Bordi Përfaqësues - Agro Social Fund

Këshilli Mbikqyrës

Altin Muça

Kryetar Këshilli

Prof. Asoc. Dr. Altin Muça është diplomuar pranë Fakultetit të Ekonomisë në vitin 1992. Deri në vitin 2003 ka punuar si Profesor në Departamentin e Marketingut dhe Turizmit të Fakultetit të Ekonomisë në Universitetin e Tiranës. Në vitin 2003 ai iu bashkua Fondit Besa në pozicionin e Drejtorit të Departamentit të Marketingut. Ai ka disa kualifikime nga Departamenti Amerikan i Shtetit dhe nga Agjensia e Bashkëpunimit Ndërkombëtar Japonez. Ka marrë pjesë në disa seminare me temë “Financimi i Tregtisë Ndërkombëtare dhe Marketingu Ndërkombëtar” për të cilat është çertifikuar. Në Shtator të vitit 2003 ai mori titullin Doktor i shkencave dhe në Korrik të vitit 2011 mori titullin Profesor i Asociuar.

Luiza Shehu

Anëtar Këshilli

Luiza Shehu me një eksperiencë të gjatë ne sektorin Ligjor, është diplomuar në Fakultetin Juridik në vitin 1995. Ka mbajtur pozicionin e Drejtorit në Departamentin Ligjor të Ministrisë së Bujqësisë dhe Ushqimit. Në vitin 2004 mori një diplomë masteri për Admistrim Publik në Universitetin e Nebraskës. Ajo iu bashkua sektorit të mikrofinancës në vitin 2007, në pozicionin e Drejtorit Ligjor, Burimet Njerëzore & Departamentit të Adminstrimit të Brendshëm në FAF. JSC (ish MAFF). Që në vitin 2016 mban postin e Drejtorit të Departamentit Ligjor të Fondit Besa. Disa përvoja të tjera pune përfshijnë: Pedagoge e Ligjit Bankar dhe Sigurimeve, Eksperte legale e GTZ, Avokate e liçensuar që në vitin 2013.

Përparim Xhafa

Anëtar Këshilli

Z. Përparim Xhafa është diplomuar në “Institutin Bujqësor” në degën Ekonomi në vitin 1990. Karriera e tij në sektorin bankar filloi në vitin 1994 si Specialist Kredie pranë bankës “BKT”. Në vitin 1998 ai mbajti pozicionin e Drejtorit të Degës së Thesarit në Ministrinë e Financave dhe në vitin 2004 iu bashkua Sektorit të Auditimit të Brendshëm në të njëjtën ministri. Karriera e tij përfshin gjithashtu pozicionin e Drejtorit të Fakultetit në “Universitetin Europian të Tiranës”, Drejtor i Auditimit të Brendshëm në Drejtorinë e Përgjithshme të Shërbimeve të Transportit Rrugor, si dhe aktualisht Drejtor në Drejtorinë e Auditimit të Brendshëm në “Radio Televizionin Shqiptar”. Ai ka marrë pjesë në disa seminare lidhur me auditimin e brendshëm dhe në vitin 2023 është certifikuar si Vlerësues Teknik për standardin ISO/IEC 17021:2015.

Bajram Korsita

Anëtar Këshilli

Z. Bajram Korsita është diplomuar në Universitetin e Tiranës në degën Ekonomi Industriale në vitin 1987. Në vitin 1993 ai mbajti pozicionin e Oficerit të Kredive pranë “Bankës Kombëtare Agrare”. Karriera e tij e gjatë përfshin rolin e Oficerit Rajonal të Kredive pranë “Fondit Besa”, Drejtor Ekzekutiv për shumë vite në Kompaninë e Parë të Zhvillimit Financiar, si edhe Drejtor Ekzekutiv në Fondacionin Shqiptar të Garancisë për Zhvillim. Bajram Korsita ka ushtruar për një periudhë të gjatë profesionin e pedagogut dhe aktualisht është pedagog në Universitetin “Aleksandër Moisiu”.

Besnik Bani

Anëtar Këshilli

Z. Besnik Bani është diplomuar në Universitetin e Tiranës në degën Ekonomi në vitin 1986. Karriera e tij në sektorin bankar filloi në vitin 1992 si Specialist Kredie dhe vijoi në vitin 2005 në pozicionin e Drejtorit të Degës. Nga viti 2006 deri në vitin 2020, Besnik Bani mbajti rolin e Oficerit Rajonal të Kredive pranë “Fondit Besa”. Aktualisht ai mban pozicionin e Përgjegjësit të Departamentit të Menaxhimit të Burimeve Njerëzore pranë “UBA Bank”.