Pjesmarrja e Agro & Social Fund ne panairin “Tirana Agro 100”!

Miq, Sikundër jeni bërë me dije nëpërmjet postimeve të vazhdueshme të ASF-së në rrjetet e saj sociale, përgjatë tre ditëve, 23-25 Tetor 2020, ne morrëm pjesë në panairin “Tirana Agro 100”, i cili u zhvillua me rastin e përvjetorit të 100-të shpalljes së Tiranës kryeqytet. Ky aktivitet u organizua nga Bashkia Tiranë dhe mbështetur nga Dhoma e Tregtisë & Industrisë Tiranë dhe Forumi Ekonomik mbarë Shqiptarë, në të cilën morrën pjesë një numër i madh kompanish nga Shqipëria, Kosova dhe Maqedonia. Panairi i’u dedikua promovimit të shërbimeve dhe produkteve autoktone shqiptare, për të çuar shoqërinë e këtij vendi drejt një të ardhme të shëndetshme dhe sa më afër prodhimeve vendase.

Në përfundim të këtij eventi jemi të lumtur që ASF nëpërmjet stafeve të saj, të degës Tiranë, Elbasan, Lushnje dhe Lezhë, përgjatë tre ditëvë ju mirëpriti në shesh duke ju prezantuar nga afër me produktet e kredisë, duke ndërvepruar me ju mbi mundësitë e ndryshme financuese që ne ofrojmë, dhe duke përmbushur misionin tonë mbi mbështetjen e zhvillimit të qëndrueshëm, përfshirjen financiare dhe kohezionin social për individë dhe biznese, me qëllim kontribuimin në zhvillimin e prodhimit vendas.