AGRO & SOCIAL FUND MERR PJESË NË TAKIMIN E PËRVITSHËM QË ZHVILLON SHOQATA AGROPUKA.

Agro & Social Fund, përfaqësuar nga Drejtori i i Departamentit të Kredise, Z. Sokol Dobi dhe Drejtori i Degës Rajonale Lezhë, Z. Ardit Marku, në kuadër të kujdesit e nevojës për të qenë pranë grupeve të caktuara që operojnë në zona rurale apo gjysëm urbane, shtimit të vëmendjes përkundrejt fermerëve, operatorëve të turizmit rural, grupeve të biznesit kryesuar nga gra, mori pjesë në takimin e përvitshëm që zhvillon Shoqata AgroPuka me antarë e perfaqësues të grupeve të interesit në qytetin e Pukës.

Gjatë këtij takimi Agro & Social Fund prezantoi produktet financiare, me synimin për të lehtësuar marrëdhënien dhe bashkëpunimin me grupet në fokus të Agro & Social Fund, gratë, të rinjtë, me zona specifike që vuajnë praninë e ulët të institucioneve financiare e kufizimin e zhvillimit ekonomik si zonat e thella me karakter rural dhe me aktivitete të qëndrueshme siç është turizmi rural, agropërpunimi etj.
Pjesëmarrësit në këtë takim shprehën dukshem interes mbi prezantimin e aktivitetit dhe produkteve që ofron Agro & Social Fund, duke ravijëzuar një mundesi të ardhshme bashkëpunimi nëpërmjet kreditimit dhe shërbimeve që ofron organizata.